పూజా హెగ్డే కాదు.. పిజ్జా హెగ్డేవి.. బన్నీ హీరోయిన్‌పై దారుణమైన ట్రోలింగ్
దిశ, సినిమా: టాలీవుడ్ ఇండస్ట్రీలోకి అడుగుపెట్టిన మొదట్లో అగ్ర హీరోల సరసన నటించి మంచి గుర్తింపు సొంతం చేసుకుంది హీరోయిన్ పూజా హెగ్డే. తర్వాత ఈ అమ్మడుకు వరసు ఫ్లాప్‌లు ఎదురవ్వడంతో ఇండస్ట్రీలో అవకాశాలు కనుమరుగైపోయాయి. ప్రస్తుతం పూజా హెగ్డే భారీ హిట్ కోసం ఎదురుచూస్తుంది. ఇండస్ట్రీలో ఫేమ్ తగ్గకుండా ఉండేందుకు గట్టిగానే ప్రయత్నిస్తోంది. కానీ ఈ బుట్టబొమ్మకు అస్సలు కలిసి రావట్లేదు. బాలీవుడ్‌లో సల్మాన్ ఖాన్‌తో జతకట్టినప్పటికీ ఆ మూవీ కూడా హిట్ కాలేకపోయింది. ఇదంత పక్కన పెడితే..
ఫిబ్రవరి 9 వ తేదీన వరల్డ్ ఫిజ్జా డే సందర్భంగా పూజా హెగ్డే పెద్ద పిజ్జాతో ఫొటోలు దిగింది. ఈ ఫొటోలకు ‘హెవీ వెయిట్ లిఫ్టింగ్’ అని క్యాప్షన్ జోడించి సోషల్ మీడియాలోని తన ఫ్యాన్స్‌తో పంచుకుంది. ఈ బ్యూటీ అంత పెద్ద పిజ్జాను చేతిలోకి తీసుకుని ఆమె తినేస్తుందా ఏంటీ అన్నట్టుగా ఫోజు ఇచ్చింది. మాములు పిజ్జా సైజుకి నాలుగైదు రెట్లు ఎక్కువగా ఉండే పిజ్జాని పట్టుకొని పూజా హెగ్డే ఫోటోలకు ఫోజులివ్వడంతో నెటిజన్లు.. ‘పూజా హెగ్డే కాదు నువ్వు పిజ్జా హెగ్డేవి అంటూ కామెంట్స్ పెడుతున్నారు. ప్రస్తుతం పూజా హెగ్డే భారీ సైజ్ పిజ్జాతో దిగిన పిక్స్ సోషల్ మీడియాలో వైరల్ అవుతున్నాయి.
