‘హనుమాన్’ సినిమాను రిజెక్ట్ చేసిన స్టార్ హీరో?

దిశ, సినిమా: ‘ప్రశాంత్ వర్మ’ దర్శకత్వంలో తెరకెక్కిన హన్‌మాన్ చిత్రం ప్రస్తుతం బాక్సాఫీసు రికార్డ్ బ్రేక్ చేస్తోంది. సూపర్ మహేష్ బాబు చిత్రం గుంటూరు కారం ను పక్కన నెట్టేసి.. భారీ కలెక్షన్లతో దూసుకుపోతోంది. ముఖ్యంగా ఈ మూవీలో తేజ నటనకు ఫ్యాన్స్ అందరూ హాట్సాప్ చెబుతున్నారు. ఒక సీన్ కాదు రెండు సీన్స్ కాదు మూవీ మొత్తం ఓ రేంజ్‌లో ఉందని.. దర్శకుడికి చేతులెత్తి దండం పెట్టిన తక్కువే అంటూ కామెంట్ల మోత మోగిస్తున్నారు.

అయితే ప్రశాంత్ వర్మ ముందుగా ఈ సినిమాను నాచురల్ స్టార్ నానితో తీయాలనుకున్నారట. నానికి ఈ మూవీ స్టోరీ వివరించారట. కానీ నాని ఈ చిత్రాన్ని రిజెక్ట్ చేశాడట. కారణం ఏంటో తెలియదు కానీ నాని ఈ మూవీని సున్నితంగా నిరాకరించడంతో తేజ సజ్జాతో తీశారట. ఇక తేజ నటించిన ఈ మూవీ బ్లాక్ బస్టర్ హిట్‌గా నిలిచింది. ఒకవేళ నాని కనుక ఇందులో నటించి ఉంటే న్యాయం చేసేవారు కాదంటున్నారు నెటిజన్లు.