అంబానీ ఇంట్లో మొదలైన పెళ్లి సందడి.. అతిథులకు అదిరిపోయే గిఫ్ట్స్ రెడీ చేస్తున్నదేవరో తెలిస్తే షాక్
దిశ, సినిమా: రిలయన్స్ ఇండస్ట్రీస్ అధినేత, ప్రముఖ పారిశ్రామికవేత్త ముఖేష్ అంబానీ ఇంట్లో పెళ్లి సందడి మొదలైంది. ముకేశ్ అంబానీ- నీతా అంబానీల చిన్న కుమారుడైన అనంత్ అంబానీకి ఇటీవల వీరెన్ మర్చంట్- షైలా దంపతుల కుమార్తె రాధికా మర్చంట్‌తో ఎంగేజ్‌మెంట్ జరిగింది. జనవరి 19, 2023న ముంబైలో జరిగిన గోల్ ధన వేడుకలో ఈ కపుల్ అంగరంగ వైభవంగా ఎంగేజ్‌మెంట్ చేసుకున్నారు. జూలైలో జామ్‌నగర్‌లోని రిలయన్స్ గ్రీన్స్‌లో అనంత్ అంబానీ- వీరెన్ మర్చంట్ ఘనంగా వివాహం జరగనుంది.
ఇందుకోసం అంబానీ ఫ్యామిలీ భారీగా పెళ్లి ఏర్పాట్లు చేస్తున్నారు. అయితే ముకేశ్ అంబానీ.. అనంత్ అంబానీ పెళ్లికి వచ్చే అతిథులకు అదిరిపోయే బహుమతులను అందించనున్నారట. కేవలం వేడుక మాత్రమే కాదు.. అవి భారతీయ సాంప్రదాయ కళలను ప్రోత్సహిస్తూ.. వేడుకలకు విలక్షణమైన అర్థం వచ్చేలా, మహాబలేశ్వర్‌లోని దృష్టి లోపం (అంధులైన)ఉన్న కళాకారులు తయారు చేసిన స్పెషల్ కొవ్వొత్తులను వీరి పెళ్లికి వచ్చే అతిథులకు స్పెషల్ గిఫ్ట్స్‌గా ఇవ్వనున్నారట. ప్రస్తుతం ఈ వార్త నెట్టింట చక్కర్లు కొడుతోంది.
