బ్రేకింగ్: ఆదిపురుష్ మూవీలో ఆ డైలాగ్స్ కట్.. చిత్ర యూనిట్ సంచలన నిర్ణయం!
దిశ, వెబ్‌డెస్క్: ఆదిపురుష్ మూవీ టీమ్ కీలక నిర్ణయం తీసుకుంది. సినిమాలోని వివాదస్పద డైలాగ్‌లను తొలగిస్తున్నట్లు ఆదిపురుష్ మూవీ టీమ్ అఫిషియల్‌గా ఎనౌన్స్ చేసింది. హిందూ సంఘాల అభ్యంతరం మేరకు ఆ డైలాగ్‌లను తొలగిస్తున్నట్లు తెలిపింది. కాగా, పాన్ ఇండియా హీరో ప్రభాస్, బాలీవుడ్ బ్యూటీ కృతి సనన్ హీరోహీరోయిన్లుగా డైరెక్టర్ ఓంరౌత్ దర్శకత్వంలో తెరకెక్కిన ఆదిపురుష్ సినిమా ప్రపంచవ్యాప్తంగా జూన్ 16వ తేదీన విడుదలైన విషయం తెలిసిందే.
రామాయణం బ్యాక్ డ్రాప్‌తో రూపొందిన ఈ చిత్రం మిక్స్‌డ్ టాక్ తెచ్చుకుంది. ఇదిలా ఉండగా.. రామాయణాన్ని కించ పర్చే విధంగా ఆదిపురుష్ సినిమాలో కొన్ని డైలాగ్‌లు ఉన్నాయని హిందూ సంఘాలు భగ్గుమన్నాయి. తీవ్ర ఆగ్రహనికి గురైన హిందూ సంఘాల నేతలు పలు చోట్ల ఈ చిత్ర ప్రదర్శనను అడ్డుకున్నారు. మరికొన్ని చోట్ల ఈ చిత్ర ప్రదర్శనను నిలిపి వేయాలని పలువురు కోర్టులను ఆశ్రయించారు. ఇలా ఈ మూవీలోని డైలాగ్‌లు తీవ్ర వివాదస్పదం కావడంతో ఆ డైలాగ్‌లను తొలగిస్తూ చిత్ర యూనిట్ తాజాగా నిర్ణయం తీసుకుంది.
