పుష్ప-2 నుంచి లీకైన ఊరమాస్ డైలాగ్.. ఇండస్ట్రీ హిట్ కొట్టడం పక్కా!
దిశ, సినిమా: ఐకాన్ స్టార్ అల్లు అర్జున్ ‘పుష్ప’ చిత్రంతో పాన్ ఇండియా హీరో అయిపోయాడు. ఈ సినిమాతో బన్నీ క్రేజ్ మరింతగా పెరిగింది. తన నటనతో తనదైన రీతిలో సత్తా చాటుకున్న ఐకాన్ స్టార్ ప్రస్తుతం పుష్ప -2 తో మూవీతో ఆడియన్స్ ముందుకు రాబోతున్నాడు. పార్ట్ -1 బ్లాక్ బస్టర్ హిట్ కావడంతో పార్ట్-2 పక్కా ఇండస్ట్రీ రికార్డు బద్దలు కొడుతుందంటూ బన్నీ ఫ్యాన్స్ ధీమా వ్యక్తం చేస్తున్నారు.
ఈ మూవీ నుంచి రిలీజైన బన్నీ పోశమ్మ జాతర గెటప్ పోస్టర్ కు ప్రేక్షకుల నుంచి భారీ రెస్పాన్స్ లభించింది. ఇకపోతే తాజాగా ఈ మూవీ నుంచి ఓ డైలాగ్ లీక్ అయింది. ప్రస్తుతం ఈ డైలాగ్ సోషల్ మీడియాలో వైరల్ అవ్వగా.. బన్నీ ఫ్యాన్స్‌లో జోరు నింపుతుంది. విషయమేమిటంటే.. మంగళం శీను ఆయన భార్య అయిన కాత్యాయని ఇద్దరూ కలిసి పుష్ప ను చంపడానికి ప్లాన్ చేస్తారు.
ఇందులో భాగంగానే ఫేక్ పోలీసులతో అల్లు అర్జున్‌ను అరెస్టు చేయిస్తారు. పోలీసులు పుష్పను తీసుకుని శ్రీను దగ్గరకు వెళతారు. అక్కడ పోలీస్ గెటప్ లో వచ్చిన వాళ్లు మంగళం శీను మనుషులు కాదని మంగళం శ్రీను తెలుసుకుంటాడు. దీంతో అతడు అందరి మీద దాడి చేస్తాడు. ఆ సమయంలో బన్నీ తనను తాను కాపాడుకోవడం కోసం ఫైట్ చేసే క్రమంలో మంగళ శీనుతో ఓ డైలాగ్ చెబుతాడు. ‘‘చూడు శీనప్ప పుష్ప గుండెల్లో గుండు దింపాలంటే గన్ను ఒకటే పట్టుకుంటే సరిపోదప్ప దాన్ని పట్టుకున్నోడి గుండె కూడా గన్నులా ఉండాలి’’. అంటూ డైలాగ్ చెప్పి.. అల్లు అర్జున్ అక్కడున్నవారందిరీ చంపేసి వెళ్లిపోతాడు. ప్రస్తుతం ఈ డైలాగ్ సోషల్ మీడియాలో తెగ వైరల్ అవుతోంది.
