యూట్యూబ్‌లో దుమ్మురేపుతోన్న ‘గుంటూరు కారం’ సాంగ్
దిశ, సినిమా: మాటల మాంత్రికుడు త్రివిక్రమ్ దర్శకత్వంలో తెరకెక్కిన ప్రతిష్టాత్మకమైన చిత్రం ‘గుంటూరు కారం’ ప్రస్తుతం ఓటీటీలో స్ట్రీమింగ్ అవుతున్న విషయం తెలిసిందే. ఈ సినిమాలో మీనాక్షి చౌదరి అండ్ టాలీవుడ్ యంగ్ సెన్సేషనల్ హీరోయిన్ శ్రీలీల కథానాయికలుగా నటించి.. వీరి అందం, నటన.. ముఖ్యంగా శ్రీలీల అదిరిపోయే డ్యాన్స్‌కు ప్రేక్షకులను ఫిదా అయిపోయారు. ప్రకాష్ రాజ్, జయరాం, సునిత్, రమ్యకృష్ణ వంటి వారు కీలక పాత్రల్లో మెరిసి ఆడియన్స్‌ను అలరించారు.
మహేష్ బాబు-రమ్యకృష్ణ మధ్య వచ్చే మదర్ సెంటిమెంట్ సీన్స్ ప్రేక్షకులను కట్టిపడేశాయనడంలో అతిశయోక్తి లేదు. అయితే తాజాగా ఈ చిత్రం నుంచి మేకర్స్ ఆసక్తికర అప్డేట్ ఇచ్చారు. ఈ మూవీలో ఫ్యాన్స్‌ను జోష్ తెప్పించే ‘కుర్చీ మడతపెట్టి’ మొత్తం పాట తాజాగా యూట్యూబ్‌లో విడుదలైంది. సూపర్ స్టార్ శ్రీలీల ఊర మాస్ స్టెప్పులు ప్రస్తుతం యూట్యూబ్ ను షేక్ చేస్తున్నాయి. ఈ సాంగ్‌కు తమన్ మ్యూజిక్ అందించగా.. స్వతీ పుత్ర రామజోగయ్య శాస్త్రి లిరిక్స్ అందించారు. సాహితి చాగంటి, శ్రీ కృష్ణ పాడారు. శేఖర్ వీజే కొరియోగ్రఫీతో దుమ్ములేపారు.
సూపర్ స్టార్ నెక్స్ట్ సినిమాల విషయానికొస్తే.. టాలీవుడ్ దర్శకధీరుడు రాజమౌళి దర్శకత్వంలో SSMB29 సినిమాతో ప్రేక్షకుల ముందుకు రానున్నాడు. త్వరలోనే ఈ మూవీపై అఫిషీయల్ అనౌన్స్‌మెంట్ రానుంది. ఇప్పటికే ప్రీ ప్రొడక్షన్ పనులు జరుగుతున్నాయని సమాచారం. బాహుబలి, ఆర్ఆర్ఆర్ వంటి చిత్రాలను తెరకెక్కించి తెలుగు సినిమా ఖ్యాతిని ప్రపంచవ్యాప్తంగా చాటి చెప్పిన డైరెక్టర్‌తో మహేష్ సినిమా అంటే ఫ్యాన్స్ ఈగర్‌గా వెయిట్ చేస్తున్నారు.
