ప్రభాస్ ఫ్యాన్స్‌కు భారీ గుడ్‌న్యూస్.. ‘కల్కి2829 ఏడీ’ విడుదల తేదీ ఖరారు?

దిశ, వెబ్‌డెస్క్: పాన్ ఇండియా స్టార్ ప్రభాస్ నటిస్తోన్న సైన్స్ ఫిక్షన్ థ్రిల్లర్ ‘కల్కి 2829 ఏడీ’ చిత్రం కోసం ఫ్యాన్స్ ఈగర్‌గా వెయిట్ చేస్తున్నారు. అమితాబ్ బచ్చన్, దీపికా పదుకొణె, కమల్ హాసన్, దిశా పటానీ కీలక పాత్రల్లో నటిస్తోన్న ఈ మూవీకి నాగ్ అశ్విన్ దర్శకత్వం వహిస్తున్నారు. ఇప్పటికే ఈ చిత్రం నుంచి రిలీజైన పోస్టర్లు, గ్లింప్స్ ప్రేక్షకుల్లో భారీ హైప్ పెంచాయి. అయితే రెబల్ స్టార్ ఫ్యాన్స్ ఎంతగానో ఎదురుచూస్తోన్న ఈ మూవీ మే 9 న ప్రపంచవ్యాప్తంగా విడుదలవుతుందని మేకర్స్ ప్రకటించిన విషయం తెలిసిందే. తాజా సమాచారం ప్రకారం విడుదల తేదీ వాయిదా పడినట్లు తెలుస్తోంది. జూన్ 20 వ తేదీకి మార్చినట్లు సినీ వర్గాలు వెల్లడించాయి. ఈ వార్త ఎంతవరకు వాస్తవమో తెలియదు కానీ.. లోక్ సభ ఎన్నికల హడావిడి అనంతరం రిలీజ్ చేయాలని దర్శక, నిర్మాతలు భావిస్తున్నారట.