‘ఇండియన్ 2’ శాటిలైట్ హక్కులను సొంతం చేసుకున్న కలిగినర్ టీవీ

దిశ, సినిమా: కోలీవుడ్ స్టార్ హీరో కమల్ నటిస్తున్న ఇండియన్-2 చిత్రం అఫీషియల్‌గా అనౌన్స్ చేసిన విషయం తెలిసిందే. శంకర్ దర్శకత్వంలో తెరకెక్కుతోన్న ఈ మూవీ లో కజాల్ అగర్వాల్ హీరోయిన్‌గా నటిస్తోంది. ఈ సినిమా కోసం దేశవ్యాప్తంగా ఉన్న సినీ ప్రియులంతా ఎంతో ఆసక్తిగా ఎదురుచూస్తున్నారు. పార్ట్ 1 సూపర్ డూపర్ హిట్ కావడంతో పార్ట్ -2 పై ప్రేక్షకులందరికీ ఆసక్తి నెలకొంది. పార్ట్ -1 కు మించి పార్ట్-2 ఉంటుందని డైరెక్టర్ చెప్పడంతో ఈ చిత్రంపై భారీ అంచనాలు పెరిగాయి. తాజాగా ఈ సినిమా శాటిలైట్ హక్కులను కలిగినర్ టీవీ సొంతం చేసుకున్నట్లు సమాచారం. సిద్ధార్థ్, రకుల్ ప్రీత్ సింగ్, ఎస్‌జే సూర్య, ప్రియా భవానీ శంకర్, బాబీ సింహా తదితరులు కీలక పాత్రల్లో నటించగా.. అనిరుధ్ రవిచందర్ సంగీతాన్ని సమకూర్చుతున్నారు.