ఆస్తులు అమ్ముకున్న అక్కాచెల్లెళ్లు.. తండ్రి కూడా వారించకపోవడంతో..

దిశ, సినిమా: జాన్వీ కపూర్, ఖుషీ కపూర్ తమ పేరు మీద ఉన్న ఆస్తులను విక్రయించినట్లు తెలుస్తోంది. ముంబైలోని ప్రతిష్టాత్మక అంధేరీ శివారులోని నాలుగు ఫ్లాట్స్‌ను ఇప్పటికే అమ్మేసినట్లు సమాచారం. అయితే నగరంలోని మోస్ట్ అప్‌స్కేల్ ఏరియా అయిన హైఎండ్ లోఖండ్‌వాలా కాంప్లెక్స్‌లో ఉన్న వీటిని కేవలం రూ. 12 కోట్లకు విక్రయించినట్లు టాక్. ఈ ఏడాది నవంబర్ 2న బోనీ కపూర్, అతని కుమార్తెలు.. మొదటి అంతస్తులో ఉన్న రెండు ఫ్లాట్స్‌ను రూ. 6.02 కోట్లకు విక్రయించగా.. అంతకు ముందే అంటే అక్టోబర్ 12న మరో రెండు ఫ్లాట్స్ రూ. 6కోట్లకు అమ్ముడు పోయినట్లు తెలుస్తుంది. 14 చదరపు అడుగుల విస్తీర్ణంలో ఉన్న ఈ ఫ్లాట్‌లలో రెండు పార్కింగ్ స్థలాలు ఉన్నాయి. ఇక 2022లో బాంద్రాలో రూ. 65 కోట్లతో డ్యూప్లెక్స్ అపార్ట్‌మెంట్ కొనుగోలు చేసిన వీరు.. ఈ ఫ్లాట్స్ అవసరం లేకనే విక్రయించినట్లు టాక్.