జబర్దస్త్ ఆర్టిస్ట్‌కు యాక్సిడెంట్.. ప్రమాదంలో తుక్కు తుక్కు అయిన కారు
దిశ, సినిమా: ఇటీవల యాక్సిడెంట్ ఘటనలు ఎక్కువగా జరుగుతున్నాయి. ముఖ్యంగా హైవేలపై ఈ ప్రమాదాలు ఎక్కువగా జరుగుతున్నాయి. ఇటీవలే సీరియల్ నటి పవిత్ర జయరామ్ యాక్సిడెంట్ లో మరణించింది. తాజాగా జబర్దస్త్ కమెడియన్ పవిత్ర.. తనకు యాక్సిడెంట్ జరిగింది, కారు నాశనమైంది, ప్రాణాలతో బయటపడ్డాను అంటూ ఎమోషనల్ వీడియో షేర్ చేసింది.
జబర్దస్త్ లో కమెడియన్ గా ఎంటర్ అయి మంచి గుర్తింపు తెచ్చుకున్న పవిత్ర మన అందరికీ సుపరిచితమే. ప్రస్తుతం పలు టీవీ షోలు, సినిమాలతో ఫుల్ బిజీగా ఉంది. ఇక యూట్యూబ్ లో, సోషల్ మీడియాలో కూడా యాక్టివ్ గా ఉంటుంది. పవిత్ర ఇటీవల మే 11న ఓటు వేసేందుకు తమ సొంత ఊరు సోమశిల వెళ్తున్నప్పుడు నెల్లూరు ఉప్పలపాడు హైవేపై ఎదురుగా వచ్చే మరో కార్ వీళ్ళ కారును ఢీ కొనడంతో ప్రమాదం జరిగింది.ఈ ప్రమాదంలో పవిత్రకు చిన్న చిన్న గాయాలు అయ్యాయి. పవిత్రతో పాటు ఉన్న ఆమె బంధువులకు కూడా చిన్నపాటి గాయాలు అయ్యాయి. అయితే ఈ ప్రమాదంలో కారు మాత్రం తుక్కుతుక్కు అయ్యింది.
తాజాగా పవిత్ర తనకు జరిగిన యాక్సిడెంట్ గురించి చెప్తూ ఓ వీడియో పోస్ట్ చేసింది. ఈ వీడియోలో పవిత్ర మాట్లాడుతూ.. ఎన్నికలకు ఊరు వెళ్తుండగా తనకు యాక్సిడెంట్ జరిగిందని, తను, తన పిన్ని, వాళ్ళ పిల్లలు అందరూ ప్రాణాలతో బయటపడ్డామని, తలుచుకుంటేనే భయమేస్తుందని తెలిపింది. అలాగే తాను ఎంతో ఇష్టపడి కొనుక్కున్న కారు ఇలా నాశనమైపోయింది అంటూ ఎమోషనల్ అయింది. అసలు మేము బతికొస్తామో లేదో అనుకున్నాము, ప్రస్తుతం అందరూ సేఫ్ గానే ఉన్నాము అంటూ తెలిపింది. దీంతో ఈ వీడియో ప్రస్తుతం వైరల్
అవుతుంది.
