వార్-2 నుంచి ఇంట్రెస్టింగ్ అప్డేట్‌.. తారక్ రోల్ ఇదే?
దిశ, సినిమా: అయాన్ ముఖర్జీ దర్శకత్వంలో తెరకెక్కుతోన్న వార్-2 ఎప్పుడెప్పుడు థియేటర్లోకొస్తుందని ప్రేక్షకులు ఈగర్‌గా వెయిట్ చేస్తున్నారు. ఎందుకంటే ఈ సినిమాలో అగ్ర హీరోలైన హృతిక్ రోషన్ అండ్ జూనియర్ ఎన్టీఆర్ కలయికలో రాబోతుంది. దీంతో ఈ చిత్రంపై అభిమానుల్లో మరింత ఆసక్తి నెలకొంది. ఇందులో కియారా అద్వానీ కథానాయికగా నటిస్తుంది. అయితే ఈ సినిమాలో తారక్ పాత్ర సస్పెన్స్‌గా మారింది. గతంలో ఎన్టీఆర్ నెగిటివ్ షేడ్‌‌లో కనిపించనున్నాడని నెట్టింట టాక్ వినిపించింది.
జై లవ కుశ తరహాలో నెగిటివ్ పాత్రలో మెరవనున్నాడని అన్నారు. తాజాగా దీనిపై మరో ఇంట్రెస్టింగ్ అప్డేడ్ బయటకు వచ్చింది. ఈ సినిమాలో ఎన్టీఆర్ విలన్ పాత్రలో నటించనున్నాడట. పూర్తిగా తారక్ నెగెటివ్ రోల్ లో కనిపించనున్నాడట. అతిభయంకరమై పాత్రలో మూవీ మొత్తం హృతిక్ రోషన్‌తో తలపడే రోల్‌లో తారక్ మెరవనున్నాడని.. డైరెక్టర్ అయాన్ ముఖర్జీ అలాంటి సీన్లనే ప్లాన్ చేస్తున్నాడని సోషల్ మీడియాలో ప్రచారం జరుగుతోంది. ఈ వార్త విన్న తారక్ ఫ్యాన్స్ ఎన్టీఆర్‌ను విలన్ పాత్రలో చూసేందుకు ఈగర్‌గా వెయిట్ చేస్తున్నామంటూ కామెంట్ల మోత మోగిస్తున్నారు.
