IIFA UTSAVAM 2024: ప్రతిష్టాత్మక అవార్డు సొంతం చేసుకోబోతున్న సమంత..!
దిశ, సినిమా: టాలీవుడ్ స్టార్ హీరోయిన్ సమంత ఏ మాయ చేసావే సినిమాతో ఇండస్ట్రీకి ఎంట్రీ ఇచ్చింది. ఆ తర్వాత టాలీవుడ్ స్టార్ హీరోలందరి సరసన నటించి అతి తక్కువ సమయంలోనే ఫుల్ పాపులారిటీ సంపాదించుకుంది. వరుస సినిమాలతో దూసుకుపోతున్న ఆమె అక్కినేని నాగచైతన్యను పెళ్లి చేసుకుంది. కానీ వీరి కాపురం ఎక్కువ కాలం నిలవలేదు. దీంతో విడాకులు తీసుకుని విడిపోయారు. ఒక డైవర్స్ తర్వాత నాగచైతన్య సినిమాలు చేస్తూ బిజీగా ఉంటున్నాడు. కానీ సమంత మాత్రం మయోసైటీస్ బారిన పడటంతో ఇండస్ట్రీకి దూరం అయి పూర్తిగా ఇంట్లో ఉంటూ రెస్ట్ తీసుకుంటోంది.
రీసెంట్‌గా కాస్త వ్యాధి నుంచి కోలుకోవడంతో అమ్మడు పాడ్ కాస్ట్ మొదలెట్టి ఆరోగ్యానికి సంబంధించిన విషయాలు చెబుతుంది. ఈ క్రమంలో చాలా మంది ఆమెను సినిమాల్లో రీ ఎంట్రీ గురించి ప్రశ్నిస్తున్నారు. కానీ సామ్ మాత్రం ఓ మూవీ ప్రకటించి సైలెంట్‌గా ఉండిపోయింది. తాజాగా, సమంత ఓ ప్రతిష్టాత్మక అవార్డు సొంతం చేసుకోబోతున్నట్లు సమాచారం. 2024 సెప్టెంబర్ 6,7 తేదీల్లో జరగనున్న ఐఫా ఉత్సవంలో ఆమె పాల్గొనబోతుంది. ఈ వేడుకలు అబుతాబిలోని యాస్ ఐలాండ్‌లో జరగనున్నాయి. అయితే ఇందులో సమంతకు ఉమెన్ ఆఫ్ ది ఇయర్ అందుకోనున్నట్లు తెలుస్తోంది. సినిమాలకు దూరం అయిన ఆమెకు అవార్డు రాబోతుండటంతో ఫ్యాన్స్ ఫుల్ ఖుష్ అవుతున్నారు. కాగా, ఈ వేడుకల్లో ఐకాన్ స్టార్ అల్లు అర్జున్ కూడా పాల్గొనబోతున్నట్లు టాక్.
