ఎన్టీఆర్ సినిమాలో బంపర్ ఆఫర్ కొట్టేసిన గుప్పెడంత మనసు జగతి.. సంచలనం సృష్టిస్తున్న పోస్ట్
దిశ, సినిమా: బుల్లితెర ‘గుప్పెడంత మనసు’ సీరియల్ నటి జ్యోతి రాయ్ అందరికీ సుపరిచితమే. ఇందులో సంప్రదాయ దుస్తుల్లో జగతి మేడం పాత్రలో కనిపించి అందరికీ కట్టిపడేసింది. ఆమెకు ప్రత్యేక క్రేజ్ కూడా వచ్చింది. అయితే ఇటీవల జ్యోతి రాయ్ సోషల్ మీడియాలో హాట్ ఫొటోలు షేర్ చేసి అందరినీ షాక్‌కు గురిచేసింది. అంతేకాకుండా యంగ్ డైరెక్టర్‌తో రిలేషన్‌లో ఉన్నట్లు ప్రకటించింది. అలాగే అతని పేరును తన పేరులో కలుపుకుని మరీ ట్విట్టర్‌లో అకౌంట్ ఒపెన్ చేసింది. ఈ అమ్మడు సోషల్ మీడియాలో యాక్టీవ్‌గా ఉంటూ నిత్యం తన అందాలతో కుర్రకారుకు నిద్ర లేకుండా చేస్తూ ఉంటుంది.
ప్రస్తుతం గుప్పెడంత మనసు సీరియల్‌లో ఆమె క్యారెక్టర్ ముగియడంతో పలు సినిమాల్లో నటిస్తుంది. తాజాగా, జ్యోతిరాయ్ తన ఇన్‌స్టాస్టోరీలో ఓ ఇంట్రెస్టింగ్ పోస్ట్ పెట్టింది. ఎన్టీఆర్‌తో, ప్రశాంత్ నీల్‌తో ఉన్న ఫొటోలు షేర్ చేసింది. దీంతో అది చూసిన వారంతా.. ఎన్టీఆర్ 31 సినిమాలో తనకు ఛాన్స్ వచ్చినట్లు ప్రకటించిందని అనుకుంటున్నారు. ప్రస్తుతం జ్యోతి రాయ్ పోస్ట్ నెట్టింట వైరల్ అవుతుండటంతో జనాలు ఆశ్చర్యపోతున్నారు. మంచి ఛాన్స్ కొట్టేసిందని చర్చించుకుంటున్నారు.
