క్లీంకార కేర్ టేకర్ జీతం ఎంతో తెలిస్తే షాక్ అవ్వాల్సిందే? సాఫ్ట్‌వేర్ ఉద్యోగం సైతం పనికిరాడు!
దిశ, సినిమా: మెగా పవర్ స్టార్ రామ్ చరణ్-ఉపాసన దంపతులు దాదాపు 10 ఏళ్ల అనంతరం అపోలో ఆసుపత్రిలో పండంటి ఆడబిడ్డకు జన్మనిచ్చిన విషయం తెలిసిందే. ఈ ప్రిన్సెస్ రాకతో మెగా ఫ్యామిలీలో సంబరాలు అంబరాన్నంటాయి. ఈ అమ్మడుకు క్లీంకార అని నామకరణం కూడా చేశారు. రీసెంట్‌గా ఈ బుజ్జాయి పేరిట ఓ పాటకు కూడా రిలీజ్ చేశారు. ఇక తాజాగా మెగాస్టార్ చిరంజీవికి తెలంగాణ రాష్ట్ర ప్రభుత్వం పద్మభూషణ్ అవార్డు అందించి ఘనంగా సత్కరించింది. శిల్పకళా వేదికగా ముఖ్యమంత్రి రేవంత్ రెడ్డి, డిప్యూటీ సీఎం విక్రమార్క, మంత్రి కోమటిరెడ్డి వెంకట్ రెడ్డి అవార్డు గ్రహితలను సత్కరించారు.
ఈ కార్యక్రమంలో మెగాస్టార్ చిరంజీవి భావోద్వేగానికి గురయ్యారు. అవార్డు ప్రకటన తర్వాత ఇలాంటి సన్మానాలు చేయడం ఇదే మొదటిసారని చిరు ఆనందాన్ని వ్యక్తం చేస్తూ చెప్పుకొచ్చారు. దీంతో మెగా ఫ్యామిలీలో ఇంతటి సంతోషాన్నింటికి కారణం ఈ చిన్ని తల్లే అంటూ మెగా ఫ్యాన్స్ సోషల్ మీడియాలో కామెంట్ల వర్షం కురిపిస్తున్నారు. ఇకపోతే తాజాగా ఈ ప్రిన్సెస్ గురించి నెట్టింట ఓ వార్త వైరల్ అవుతుంది.
అయితే క్లీంకార కోసం చరణ్-ఉపాసన ఓ కేర్ టేకర్‌ను పెట్టుకున్నారట. చరణ్ సినిమాల షూటింగ్‌లతో బిజీగా ఉండటం.. ఉపాసన అపోలో హాస్పిటల్ బాధ్యతలను చూసుకోవడం ఇలా పలు పనుల కోసం బయటకు వెళ్లాల్సి వచ్చినప్పుడు క్లీంకారను జాగ్రత్తగా చూసుకోవడానికి కేర్ టేకర్ ను పెట్టుకున్నారట. ఆమె పేరు సావిత్రి. ఈమె ఎంతో మంది సినీ సెలబ్రిటీల పిల్లలకు పని మనిషిగా చేసిందట. బాలీవుడ్ లో కరీనా కపూర్ కుమారుడికి కూడా సావిత్రినే కేర్ టేకర్‌గా చేసిందట. ఇటీవల ఉపాసన-చరణ్ మహాలక్ష్మీ టెంపుల్‌ను సందర్శించడం కోసం ముంబయి వెళ్లారు.
అప్పుడు కరీనా కపూర్ వీరిని ఇంటికి పిలిచిన విషయం తెలిసిందే. క్లీంకారను చూసుకోవడానికి నాకు తెలిసిన ఓ కేర్ టేకర్ ఉంది. ఆవిడనే క్లీంకారకు కేర్ టేకర్ గా పెట్టుకోండంటూ సలహా ఇచ్చిందట. దీంతో సావిత్రినే ఈ బుజ్జాయికి పనిమనిషిగా పెట్టుకున్నారు. అయితే సావిత్రి.. క్లీంకారకు సేవలు చేస్తున్నందుకు.. ఉపాసన ఏకంగా లక్షన్నర జీతం ఇస్తుందట. అంతేకాకుండా కోట్ల రూపాయిలు ఖర్చు చేసి క్లీంకార కోసం ఇంట్లోనే కొత్త ప్రపంచాన్ని నిర్మించారట. ప్రస్తుతం ఈ వార్త విన్న జనాలు ‘పనిమనిషికే లక్షన్నర శాలరీనా?, సాఫ్ట్‌వేర్ ఉద్యోగం సైతం పనికిరాడు’ అంటూ షాకింగ్ కామెంట్స్ పెడుతున్నారు.
అంత బాగానే ఉంది కానీ.. చరణ్-ఉపాసన ఇప్పటివరకు క్లీంకార ఫేస్ రివీల్ చేయకపోవడంతో మెగా ఫ్యాన్స్ కాస్త నిరాశ చెందుతున్నారు. మెగా ఫ్యామిలీ ఫంక్షన్స్ లో, వెకేషన్స్‌లో, బయటకు ఎక్కడికెళ్లినా ఫేస్ కనిపించకుండా ఎమోజీలతో కవర్ చేస్తున్నారు. క్లీంకార ముఖం చూడటం కోసం మెగా అభిమానులు ఎంతగానో ఎదురు చూస్తున్నారు.
