ప్రముఖ జ్యోతిష్యుడు వేణుస్వామితో బిగ్‌బాస్ బ్యూటీకున్న సంబంధం.. క్లారిటీ?
దిశ, సినిమా: తరచూ రాజకీయ నాయకులు, సినీ సెలబ్రిటీలపై జాతకం చెబుతూ వార్తల్లో నిలుస్తారు ప్రముఖ జ్యోతిష్యుడు వేణు స్వామి. టాలీవుడ్ జంట అక్కినేని నాగ చైతన్య-సమంత విషయంలో ఈయన చెప్పింది కాస్త నిజమవ్వడంతో అప్పటి నుంచి వేణు స్వామి ఏం చెప్పినా జనాలు నమ్ముతున్నారు. గత ఏడాది ప్రభాస్ 2024 లో అనారోగ్య సమస్యల బారిన పడే అవకాశం ఉందని చెప్పారు. ప్రస్తుతం ప్రభాస్ హెల్త్ పరంగా ఇబ్బందులు ఎదుర్కొంటున్నట్లు నెట్టింట వార్తలు వినిపిస్తున్నాయి.
కెరీర్‌లో మంచి సక్సెస్‌ సాధించాలని కొంతమంది హీరోయిన్లు (డింపుల్ హయతి, రష్మిక మందన్న, నిధి అగర్వాల్) కూడా వేణుస్వామితో పూజలు చేయించుకున్న విషయం తెలిసిందే. రీసెంట్‌గా బిగ్‌బాస్ ఫేమ్ ఇనయా సుల్తానా కూడా ఇదే జాబితాలోకి చేరింది. దీంతో నెట్టింట వీరిద్దరి మధ్య సంబంధం ఏంటని పలు వార్తలు వచ్చాయి. అయితే వేణు స్వామి పుట్టిన రోజు సందర్భంగా.. ఆయనకు విషెష్ తెలిపి.. ఆయనతో దిగిన ఫొటోలు సోషల్ మీడియాలో షేర్ చేసింది. దీంతో ఇనయా సుల్తానా కూడా వేణుస్వామి కస్టమర్ అని వెల్లడైంది.
