28 చరవాణీలు రికవరీ.. స్వాధీనం చేసుకున్న జీడిమెట్ల పోలీసులు

దిశ, పేట్ బషీరాబాద్: పోగొట్టుకున్న దొంగిలించబడిన చరవాణి లను జీడిమెట్ల పోలీసులు రికవరీ చేసి బాధితులకు అందజేశారు. గత కొన్ని రోజులుగా జీడిమెట్ల పోలీస్ స్టేషన్ పరిధిలో పలువురు తమ తమ సెల్ ఫోన్స్ ను కోల్పోయారని ఫిర్యాదులు చేశారు. ఈ ఫిర్యాదులను స్వీకరించిన పోలీసులు దర్యాప్తు చేసి 28 సెల్ ఫోన్ లను రికవరీ చేశారు. ఈ మేరకు సోమవారం బాలానగర్ జోన్ డీసీపీ సురేష్ కుమార్ ఫోన్లను పోగొట్టుకున్న బాధితులకు అందజేశారు. సెల్ ఫోన్ రికవరీలో కీలకంగా వ్యవహరించిన సీఈఐఆర్ పోర్టల్ ఇంచార్జ్ కానిస్టేబుల్ రవి నాయక్ ను డీసీపీ ప్రత్యేకంగా అభినందించారు. స్వాధీనం చేసుకున్న సెల్ ఫోన్స్ విలువ రూ. 4 లక్షల 99 వేలు ఉంటుందని జీడిమెట్ల సీఐ గడ్డం మల్లేష్ పేర్కొన్నారు.