తాతకు తగ్గ మనవడు అనిపించుకున్న రజనీకాంత్ చిన్న మనవడు
దిశ, సినిమా: స్టార్ హీరో రజనీకాంత్ ప్రస్తుతం వరుస చిత్రాలతో దూసుకుపోతున్నారు. రీసెంట్‌గా తెరకెక్కిన ఈ హీరో ‘జైలర్’ సినిమా బాక్సాఫీసు వద్ద బ్లాక్ బస్టర్ హిట్‌గా నిలిచింది. భారీ వసూళ్లతో రికార్డు సృష్టించింది. రజనీ ప్రస్తుతం తన కుమార్తె ఐశ్వర్య దర్శకత్వంలో లాల్ సలామ్ అనే ఓ మూవీ చేస్తున్నారు. ఇప్పటికే ఈ చిత్రంపై సూపర్ స్టార్ అభిమానులు భారీ అంచనాలు పెట్టుకున్నారు. ఫిబ్రవరి 9 వ తారీకున విడుదలయ్యే ఈ సినిమా కోసం ప్రేక్షకుంతా ఈగర్‌గా వెయిట్ చేస్తున్నారు.
రీసెంట్‌గా ఈ మూవీ ఆడియో లాంచ్ కార్యక్రమం చెన్నైలో ఘనంగా నిర్వహించారు. ఈ ఈవెంట్‌లో రజనీకాంత్ కుటుంబం అంతా పాల్గొన్నారు. అయితే ఈ కార్యక్రమంలో ఈ హీరో కుమార్తె ఐశ్వర్య చిన్న కుమారుడు.. ఆడియన్స్ అందరిముందు సూపర్ స్టార్ యాక్టింగ్‌ను కాపీ కొట్టి అక్కడున్నవారందికి ఒక్కసారిగా షాక్ ఇచ్చాడు. లాల్ సలామ్ చిత్రంలో సూపర్‌స్టార్ ముత్తు స్టైల్‌లో సెల్యూట్ చేస్తాడు. దీన్ని ఈ బుడ్డోడు అచ్చం అలాగే యాక్షన్ చేయడంతో తాతకు తగ్గ మనవడు అనిపించుకున్నాడు అంటూ ఈ పిల్లాడి పై నెటిజన్లు ప్రశంసలు కురిపిస్తున్నారు.
ఇక హీరో ధనుష్ - ఐశ్వర్యలకు ఇద్దరు కుమారులున్న విషయం తెలిసిందే. మొదటి కుమారుడు యాత్ర ధనుష్. ఈయన సినిమాల్లోకి ఎంట్రీ ఇవ్వబోతున్నాడంటూ నెట్టింట టాక్ వినిపిస్తుంది. ఇక రెండో కుమారుడు లింగా. కొన్ని వేల మంది ఇమిటేట్ చేసిన రజనీకాంత్ వీడయోను ఈ బుడ్డుడు సింపుల్‌గా యాక్టింగ్ చేశాడు. ప్రస్తుతం ఈ వీడియో సోషల్ మీడియాలో వైరల్ అవుతోంది.
