ఇదేం పిచ్చిరా బాబు.. మహేష్ బాబు కోసం చెయ్యి కోసుకున్న వీరాభిమాని?
దిశ, సినిమా: సూపర్ స్టార్ మహేష్ బాబు నటించిన లేటెస్ట్ మూవీ ‘గుంటూరు కారం’. త్రివిక్రమ్ శ్రీనివాస్ దర్శకత్వంలో తెరకెక్కిన ఈ చిత్రం ప్రస్తుతం రికార్డు స్థాయి వసూళ్లతో దూసుకుపోతోంది. పలు చోట్ల నెగెటివ్‌ టాక్‌ వస్తున్నా.. ప్రిన్స్‌కున్న క్రేజ్ వల్ల ఈ సినిమా భారీ కలెక్షన్లు కొల్లగొడుతోంది. ఇక చిత్రం విడుదల క్రమంలో సూపర్ స్టార్ ఫ్యాన్స్ పోస్టర్లు, ఫ్లెక్సీలు ఏర్పాటు చేసి హీరో పై అభిమానం చాటుకున్నారు. ఎవరైనా సరే ఒక్కసారి ఒకరిపై ఇష్టం పెంచుకుంటే గుండెల్లో పెట్టుకుని చూస్తారు. అలా మహేష్ బాబు కోసం ఓ వీరాభిమాని చేసిన పనికి సోషల్ మీడియాలోని జనాలంతా ఆశ్చర్యపోతున్నారు.చేయిని బ్లేడుతో కోసుకుని మరీ సూపర్ స్తార్ ఫ్లెక్సీకి రక్త తిలకం దిద్దాడు. ఒకటి కాదు రెండు కాదు ఏకంగా 4 సార్లు కోసుకుని మరీ ఫ్లెక్సీకి రక్త తిలకం దిద్దాడు. ఇక అక్కడున్న కొంతమంది వ్యక్తులు వీడియో తీసి సోషల్ మీడియాలో షేర్‌ చేశారు. ఇదేం పిచ్చిరా బాబు.. అభిమానం ఉండాలి కానీ ఇంతలా ఉండకూడదు. అంటూ నెటిజన్లు కామెంట్లు పెడుతున్నారు.
