కొండగట్టు అంజన్నను దర్శించుకున్న ఎమ్మెల్సీ కవిత

దిశ, జగిత్యాల: ప్రముఖ పుణ్య క్షేత్రమైన కొండగట్టు అంజన్నను ఎమ్మెల్సీ కల్వకుంట్ల కవిత దర్శించుకున్నారు. జగిత్యాల జిల్లాలో పర్యటనలో భాగంగా ఎమ్మెల్సీ కవిత మొదట కొండగట్టు ఆంజన్నను దర్శించుకున్నారు. గురువారం కొండగట్టు ఆలయానికి చేరుకున్న ఎమ్మెల్సీ కవితకు ఆలయ అధికారులు ఘన స్వాగతం పలికారు. ఆలయంలో ఎమ్మెల్సీ కవిత, రాష్ట్ర ప్రణాళిక సంఘం ఉపాధ్యక్షుడు బోయినపల్లి వినోద్ కుమార్ ప్రత్యేక పూజలు నిర్వహించారు. దర్శనానంతరం ఆలయ అధికారులు వారికి ఆశీర్వచనం చేశారు.