పులి తోక పట్టుకుని లాగిన MLC జీవన్ రెడ్డి.. (వీడియో)
దిశ, జగిత్యాల : నిత్యం ప్రజాసేవ, రాజకీయాలతో క్షణం తీరికలేకుండా ఉండే పట్టభద్రుల ఎమ్మెల్సీ తాటిపర్తి జీవన్ రెడ్డి ఆదివారం పులి వేషాధారునితో కాసేపు సరదాగా గడిపారు. ఆదివారం ఉదయం 75వ స్వాతంత్ర్య దినోత్సవ వేడుకల్లో పాల్గొన్న అనంతరం ఎమ్మెల్సీ జీవన్ రెడ్డి జగిత్యాల అసెంబ్లీ నియోజకవర్గం పరిధిలోని రాయికల్‌కు వెళ్లారు. తిరిగి జగిత్యాలకు వస్తుండగా జగిత్యాల పట్టణంలో చోటుచేసుకున్న ఓ విన్యాసాన్ని చూశారు.
ఈ నెల 20న మొహర్రం పండుగ జరుపుకోనున్న సందర్బంగా గ్రామాల్లో, పట్టణాల్లో పులి వేషాలతో కొందరు వ్యక్తులు సందడి చేస్తున్నారు. ఇందులో భాగంగానే పులి వేషాధారుని దగ్గరికి వెళ్లిన జీవన్ రెడ్డి అతని తోక పట్టి సరదాగా స్టెప్పులు వేశారు. దీంతో అక్కడున్నవారంతా ఆశ్చర్యానికి లోనయ్యారు. నిత్యం బిజీగా ఉండే ఎమ్మెల్సీ జీవన్ రెడ్డి ఇంత సరదాగా ఉండటం చూసి ఇతడేనా జీవన్ అంటూ ముచ్చటించుకున్నారు.
