వ్యక్తి ఆత్మహత్యాయత్నం.. అంతలో కరెంట్ పోయింది

దిశ, రాజేంద్రనగర్: రాజేంద్రనగర్ సర్కిల్ మైలార్ దేవ్‌పల్లి డివిజన్ ఇండియన్ స్వీట్ హౌస్ పక్కన గుర్తుతెలియని వ్యక్తి(50) ఆత్మహత్యాయత్నం చేశారు. వివరాళ్లోకి వెళితే… మద్యం మత్తులో కరెంటు స్తంభం ఎక్కి విద్యుత్ తీగలను పట్టుకొని ఆత్మహత్యాయత్నానికి ప్రయత్నించాడు. అదే సమయానికి కరెంటు పోవడంతో వైరు ముట్టుకున్న వ్యక్తి స్వల్ప గాయాలతో బతికాడు. దీంతో ఘటనా స్థలం వద్ద పెద్ద ఎత్తున ట్రాఫిక్ జామ్ అయ్యంది. విషయం తెలిసిన మైలర్‌దేవ్‌పల్లి పోలీసులు కరెంటు స్తంభంపై నుంచి అతన్ని కిందకు దింపి వెంటనే అంబులెన్సులో ఆసుపత్రికి తరలించారు.