ఓటు హక్కు వినియోగించుకున్న మహేష్ బాబు-నమ్రత.. బ్లూ కలర్ టీషర్ట్‌‌లో ఫ్యాన్స్ మతిపోగొడుతోన్న ప్రిన్స్

దిశ, వెబ్‌డెస్క్: రెండు తెలుగు రాష్ట్రాల్లో పోలింగ్ గడువు ముగిసింది. కొన్ని నియోజకవర్గాల్లో పోలింగ్ ప్రశాంతంగా జరగ్గా.. మరికకొన్ని ప్రాంతాల్లో ఘర్షణలు జరిగాయి. నేడు ఉదయం 7 గంటలకు ప్రారంభమైన పోలింగ్ సాయంత్రం 6 గంటలకు ముగిసింది. అయితే నేడు పలువురు సినీ సెలబ్రిటీలు కూడా తమ తమ ఓట్లను వినియోగించుకునేందుకు తమ షూటింగ్‌లు పక్కన పెట్టి హైదరాబాదుకొచ్చి ఓటు వేశారు. తెలంగాణ పార్లమెంట్ ఎన్నికల్లో సినీ ప్రముఖులు తమ ఓటు హక్కును వినియోగించుకున్నారు. ఈ క్రమంలో సూపర్ స్టార్ మహేష్ బాబు కూడా తన సతీమణి నమ్రత శిరోద్కర్‌తో కలిసి ఓటు వేశారు. జూబ్లీహిల్స్ పబ్లిక్ స్కూల్‌లో వారు ఓటు హక్కును వినియోగించుకున్నారు. అలాగే రామ్ చరణ్-ఉపాసన కూడా జూబ్లీహిల్స్ పబ్లిక్ స్కూల్‌లోనే ఓటు వేసిన విషయం తెలిసిందే.