వారసత్వ రాజకీయాలకు చరమగీతం పాడాలి..

దిశ, దుబ్బాక: వారసత్వ రాజకీయాలకు చరమగీతం పాడాల్సిన సమయం ఆసన్నమైందని బీజేపీ రాష్ట్ర కార్యదర్శి రఘునందన్ రావు అన్నారు. సిద్దిపేట జిల్లా దౌల్తాబాద్ మండలకేంద్రంలో బీజేపీ కార్యకర్తల సమావేశాన్ని నిర్వహించారు. పార్టీలో చేరిన పలువురిని కండువా కప్పి పార్టీలోకి ఆయన ఆహ్వానించారు. ఈ సందర్భంగా ఆయన మాట్లాడుతూ.. గత ఎన్నికల్లో మేనిఫెస్టోలో చెప్పిన ఏ ఒక్క హామీ కూడా టీఆర్ఎస్ నేటి వరకు పూర్తి చేయలేకపోయిందన్నారు. రాష్ట్రానికి కేంద్ర ప్రభుత్వం నిధులు ఇస్తున్నా వాటికి రాష్ట్రప్రభుత్వం రంగులు వేసి తామే ఇస్తున్నామంటూ గొప్పలు చెప్పుకోవడం సిగ్గుచేటన్నారు. టీఆర్ఎస్, కాంగ్రెస్ నాయకుల మాటలను ప్రజలు నమ్మే ప్రసక్తే లేదన్నారు.