ఇదే నా ఫస్ట్‌ ఎక్స్‌పీరియన్స్.. మూవీ క్యారెక్టర్‌పై నటి

దిశ, సినిమా : వికాస్ భల్ డైరెక్షన్‌లో టైగర్ ష్రాఫ్ హీరోగా తెరకెక్కుతున్న సినిమా ‘గణపత్’. ఈ చిత్రంలో హీరోయిన్ కృతి సనన్‌ భారీ యాక్షన్ సన్నివేశాలు చేయబోతున్నట్లు తెలిపింది. తన లేటెస్ట్ ఇంటర్వ్యూలో ఈ విషయాన్ని వెల్లడించిన కృతి.. ‘నా సినీ కెరీర్‌లో మొదటిసారి చేస్తున్న యాక్షన్‌ చిత్రం ఇదే. ఇప్పటివరకు నేను చేయని యాక్షన్ స్టంట్లను ఇందులో చేయాల్సి ఉంది. అందుకు తగ్గట్టుగానే బాడీని, మనసును సిద్ధం చేసుకుంటున్నా. ఓ క్యారెక్టర్ కోసం కొత్తకొత్త విద్యలు నేర్చుకోవడం అదృష్టంగా భావిస్తున్నా. ఫైటింగ్, బైక్‌ రైడింగ్‌, ఛేజింగ్‌ వంటి స్టంట్స్ చేయడం సరికొత్త అనుభూతి. ఇదంతా నాకు చాలా కొత్తగా అనిపిస్తోంది’ అని పేర్కొంది. ఈ సినిమాలో కృతి అథ్లెట్‌గా కనిపించనుండగా.. ప్రస్తుతం యూకేలో చిత్రీకరణ జరుగుతోంది.