29న కొండపోచమ్మ సాగర్ ప్రారంభం

దిశ, న్యూస్‌బ్యూరో: కాళేశ్వరం ప్రాజెక్టులో భాగంగా నిర్మించిన కొండపోచమ్మ సాగర్‌ ప్రారంభోత్సవానికి ముహూర్తం ఖరారైంది. ఈనెల 29న కొండపోచమ్మ జలాశయాన్ని సీఎం కేసీఆర్‌ ప్రారంభించి ఉదయం 11:30 గంటలకు జలాశయంలోకి నీరు విడుదల చేయనున్నట్లు ప్రభుత్వం తెలిపింది. మర్కూక్ పంప్‌హౌస్ నుంచి కొండపోచమ్మసాగర్‌కు నీటిని లిఫ్ట్ చేయనున్నారు. ఈ సందర్భంగా కొండపోచమ్మ ఆలయంలో చినజీయర్‌ స్వామితో కలిసి సీఎం కేసీఆర్‌ హోమం నిర్వహించనున్నారు.