అకాల వర్షం.. తీరని నష్టం

దిశ, నల్లగొండ: అకాల వర్షాలు రైతులకు తీరని నష్టాన్ని మిగులుస్తున్నాయి. ఆదివారం నల్లగొండ జిల్లా తిప్పర్తి మండలంలో అకాల వర్షానికి భారీ ఈదురుగాలులు తోడవ్వడంతో నిమ్మ చెట్లు నేలకొరిగాయి. అసలే నిమ్మకాయలకు ధర లేక అల్లాడిపోతున్న రైతులకు అకాల వర్షాలతో పెట్టుబడులు కూడా వచ్చే అవకాశం లేదంటూ ఆవేదన వ్యక్తం చేస్తున్నారు. ప్రభుత్వం నష్టపరిహారం చెల్లించాలని రైతులు డిమాండ్ చేశారు.