గెటప్ శ్రీను భార్య సుజాత అకౌంట్ హ్యాక్

దిశ, వెబ్‌డెస్క్: ప్రముఖ జబర్దస్త్ కమెడియన్, బుల్లితెర కమల హాసన్ గెటప్ శ్రీను భార్య అకౌంట్ హ్యాక్ అయింది. ఈ విషయాన్ని స్వయంగా శ్రీను వెల్లడించారు. వివరాళ్లోకి వెళితే.. గెటప్ శ్రీను భార్య సుజాత తాజాగా బిజినెస్ ప్రారంభించారు. సుజిశ్రీన్ కలెక్షన్స్ అంటూ మహిళలు, అమ్మాయిలకు అవసరమైన వస్తువులను సోషల్ మీడియాలో షేర్ చేయం ప్రారంభించారు. కాగా, కొద్దిరోజుల తర్వాత తన అకౌంట్ నుంచి తనకు సంబంధం లేకుండా పోస్టులు రావడం ప్రారంభమైంది. దీంతో తన అకౌంట్ హ్యాక్ అయినట్టు గమనించి, సన్నిహితులకు, మిత్రులకు సమాచారం తెలియజేశారు. ‘‘అందరికీ నమస్కారం. నేను సుజాత. నా పాత ఖాతాను ఎవరో హ్యాక్ చేశారు. అందుకే కొత్త అకౌంట్ క్రియేట్ చేశాం. దయచేసి అందరూ ఫాలో అవ్వండి.” అని సుజాత తెలిపారు. ఇక ఈ వీడియోను గెటప్ శ్రీను తన అకౌంట్ ద్వారా షేర్ చేశారు.