గ్యాంగ్‌స్టర్ వికాస్ దూబె ఎన్‌కౌంటర్

దిశ, వెబ్ డెస్క్: ఉత్తర ప్రదేశ్ లోని కాన్పూర్ లో ఒక డీఎస్పీ సహా 8 మంది పోలీసులను పొట్టనబెట్టుకున్న కరుడుగట్టిన రౌడీషీటర్ వికాస్ దూబే హతమయ్యాడు. నిన్న అతడిని అదుపులోకి తీసుకున్న పోలీసులు ఉజ్జయిని నుంచి ఉత్తరప్రదేశ్ లోని కాన్పూర్ కు తరలిస్తుండగా కారు శుక్రవారం ఉదయం బోల్తా కొట్టింది. ఈ సమయంలో వికాస్ దూబే పారిపోయేందుకు ప్రయత్నించాడని, దీంతో వెంటనే పోలీసులు కాల్పులు జరపడంతో వికాస్ దూబే మృతిచెందినట్లు సమాచారం. అతడి మృతదేహాన్ని కాన్పూర్ ప్రభుత్వ ఆసుపత్రికి తరలించినట్లు తెలిసింది.