తరతరాలకు ఆయన ఆదర్శప్రాయుడు: పొన్నం

దిశ, కరీంనగర్: నిరాడంబరమైన జీవనం సాగించిన మాజీ ఎంపీ జువ్వాడి చొక్కారావే తనకు రాజకీయ గురువని టీపీసీసీ వర్కింగ్ ప్రెసిడెంట్ పొన్నం ప్రభాకర్ అన్నారు. చొక్కారావు 21వ వర్దంతి సందర్భంగా కాంగ్రెస్ పార్టీ ఆధ్వర్యంలో పలు కార్యక్రమాలు నిర్వహించారు. ఈ సందర్భంగా పొన్నం మాట్లాడుతూ నిజాయితీకి మారుపేరైన చొక్కారావు సర్పంచ్ రాజకీయ జీవితం ప్రారంభించారని, తర్వాత చట్ట సభలకు కూడా ప్రాతినిథ్యం వహించారన్నారు. తరతరాలకు ఆయన ఆదర్శ ప్రాయుడని కొనియాడారు. యువజన కాంగ్రెస్ నాయకుడు, చొక్కారావు మనవడు జువ్వాడి నిఖిల్ చక్రవర్తి ఆధ్వర్యంలో వీరబ్రహ్మేంద్ర స్వామి వృద్దాశ్రమంలో అన్నదాన కార్యక్రమం నిర్వహించారు.