ఏ చేతిలో లేనిది

ఒక్కొక్క ఋతువు

రావడం పోవడం

నిర్ధిష్ట కాలక్రమంలోనే

ఆనందనిలయ ప్రకృతిలో

చినుకులు రాలినవా

చిట్టడవి పూల వాసనలో

పుడమి పులకరింత

జరంత వానతడి

కొండంత మనసును తడిమింది

చేన్లన్నీ పొట్టకొచ్చె

చెరువు పారిన పొలాల

దంచికొట్టే వాన

వరదైంది జలఖడ్గం దూసి

పల్లే పట్నం బతుకు బరువైంది

మనిషి మనిషిగా కానరాక

చలి ఎంతైనా

ఎండ ఎలాగైనా

తట్టుకోవచ్చు భరించోచ్చు కానీ

గీ వానేంది!?

ఏళాపాళా లేని మద్దెల దరువులా

నింగీ నేలను కలిపే ఎరిపిలేని ధారై

వాన రాకడకూ పానం పోకడకూ

ఒక మహత్తర సామ్యం చూపు

ఎవరికీ తెలియదు

ఎవరి చేతిలో లేనిది

లోకరీతి వేదాంతం తెలుసా మనసా!

డా.టి.రాధాకృష్ణమాచార్యులు

9849305871.