ఉరి వేసుకొని మహిళ ఆత్మహత్య..

దిశ, చింతలమానేపల్లి : మండలంలోని గూడెం గ్రామానికి చెందిన నింబర్ల బక్కుబాయి (50) ఉరి వేసుకొని ఆత్మహత్య కు పాల్పడింది. ఎస్సై విజయ్ కుమార్ తెలిపిన వివరాల ప్రకారం బక్కుబాయి గత కొన్ని రోజుల నుండి అనారోగ్యంతో బాధపడుతుండేదని, ఈ క్రమంలో ఈ నెల 16న తన తల్లిగారి ఊరైన దిందాకు వెళ్తానని ఇంట్లో చెప్పి అటవీ ప్రాంతంలోకి వెళ్ళి జీవితంపై విరక్తి చెంది ఆత్మహత్యకు పాల్పడింది.

కాగా ఆమె ఆచూకి కోసం కుటుంబీకులు, బంధువులు గాలించగా చిత్తామ అటవీ ప్రాంతంలో గల ఓ చెట్టుకు ఉరేసుకొని మృతి చెంది ఉండడాన్ని గమనించిన బంధువులు పోలీసులకు సమాచారం ఇచ్చారు. ఎస్సై విజయ్ సంఘటనా స్థలానికి వెళ్లి పరిశీలించారు. మృతురాలి తమ్ముడు డోకే మల్లేష్ ఇచ్చిన ఫిర్యాదు మేరకు కేసు, దర్యాప్తు చేస్తున్నట్లు తెలిపారు.