పెళ్లి బస్సు, హార్వెస్టర్ ఢీ.. తృటిలో తప్పిన పెను ప్రమాదం..

దిశ, తంగళ్ళపల్లి : తంగళ్లపల్లి మండలం జిల్లెల్ల గ్రామంలో వ్యవసాయ కళాశాల వద్ద పెళ్లి బస్సు, హార్వెస్టర్ ఢీకొన్న ఘటనలో తృటిలో పెను ప్రమాదం తప్పింది. శనివారం ఉదయం హైదరాబాద్ నుంచి సిరిసిల్లకు వస్తున్న పెళ్లి బస్సు జిల్లేల్ల వ్యవసాయ కళాశాల వద్దకి చేరుకున్న సమయంలో వరికోతల కోసం వెళ్తున్న హార్వెస్టర్ ప్రమాదవశాత్తు ఢీ కొన్నాయి. ఈ ప్రమాదంలో బస్ డ్రైవర్ కు గాయాలు కావడం తప్ప మిగతా ఎవరికీ ఏమీ కాకపోవడంతో పెను ప్రమాదం తప్పింది. దీంతో పెండ్లికి వస్తున్న బంధువులు, వారి కుటుంబ సభ్యులు, పెళ్లింటి వారు ఊపిరి పీల్చుకున్నాను. సంఘటనా స్థలాన్ని తంగళ్ళపల్లి ఎస్సై రామ్మోహన్ పరిశీలించి వివరాలు సేకరించారు.