AP News:మహిళా కండక్టర్ పై దాడికి పాల్పడిన తాగుబోతు

దిశ, కొండపి: ఓ తాగుబోతు మహిళా కండక్టర్ పై దాడి చేసిన ఘటన శుక్రవారం జరుగుమల్లి మండలం కామేపల్లిలో చోటుచేసుకుంది. పోలీసుల కథనం ప్రకారం.. మద్యం మత్తులో ప్రత్తిపాటి హరిబాబు ఈ ఘటనకు పాల్పడినట్లు సీఐ తెలిపారు. మహిళ బస్ కండక్టర్, డ్రైవర్ పై హరిబాబు దాడికి పాల్పడినట్లు చెప్పారు. దీంతోపాటు కామేపల్లి ప్రభుత్వ వైద్యశాలలో పలు వస్తువులను దాడి చేసి ధ్వంసం చేసినట్లు తమకు ఫిర్యాదు అందిందని తెలిపారు. ఇరువురి ఫిర్యాదుల మేరకు హరిబాబును అదుపులోకి తీసుకొని విచారిస్తున్నామని.. తదుపరి రిమాండ్ కు తరలిస్తున్నట్లు సీఐ హాజరత్తయ్య తెలిపారు. లా అండ్ ఆర్డర్ ను అతిక్రమిస్తే ఏ స్థాయి వ్యక్తినైనా ఉపేక్షించేది లేదని హెచ్చరించారు. గాయపడిన మహిళా కండక్టర్ కందుకూరు ప్రభుత్వ ఆసుపత్రిలో చేరారు. పూర్తి వివరాలు తెలియాల్సి ఉంది.