మాజీ ఎమ్మెల్యే దుర్గం చిన్నయ్యపై కేసు

దిశ,బెల్లంపల్లి : మంచిర్యాల జిల్లా బెల్లంపల్లి బీఆర్ఎస్ మాజీ ఎమ్మెల్యే దుర్గం చిన్నయ్య మరో వివాదంలో ఇరుక్కున్నారు. పట్టణంలో ఓ దాడి కేసులో పోలీసులు ఆయనపై కేసు నమోదు చేశారు. బెల్లంపల్లి రామటాకీస్ వీధిలో ఈనెల 29వ తేదీ రాత్రి ఆరిజిన్ డెయిరీ సీఈఓ కందిమల్ల ఆదినారాయణపై జరిగిన దాడి తెలిసిందే. కాగా ఈ దాడిలో మొత్తం 10 మందిపై బాధితుడు ఆదినారాయణ ఫిర్యాదు ఇచ్చాడు.

ఈ మేరకు వన్ టౌన్ పోలీసులు కేసు నమోదు చేశారు. ఇందులో బీఆర్ఎస్ మాజీ ఎమ్మెల్యే దుర్గం చిన్నయ్య, రాగంశెట్టి సత్యనారాయణ ( సతీష్), కొత్తపెళ్లి శ్యామ్, రాజ్ కుమార్ (సన్నీబాబు)తోపాటు మరో ఆరుగురిపై కేసు నమోదు చేసినట్లు బెల్లంపల్లి వన్ టౌన్ ఎస్ హెచ్ ఓ దేవయ్య తెలిపారు. ఈ మేరకు పోలీసులు దర్యాప్తు చేస్తున్నారు.