రాందేవ్ బాబాపై కేసు.. సీపీఐ నారాయణ హర్షం

దిశ, న్యూస్‌బ్యూరో: రాజస్థాన్‌లో 420 సెక్షన్ కింద బాబా రాందేవ్‌పై ఎఫ్ఐఆర్ నమోదు కావడంపై సీపీఐ జాతీయ కార్యదర్శి నారాయణ హర్షం వ్యక్తం చేశారు. కేసు నమోదు చేయడమే కాకుండా తక్షణమే అరెస్టు చేయాలని ఆయన డిమాండ్ చేశారు. ఈ విషయమైన సోమవారం నారాయణ ఓ ప్రకటన చేశారు. కొవిడ్-19కు మందులు కనుగొన్నామని ప్రజల్ని, శాస్త్రజ్ఞులను మోసం చేస్తూ ప్రకటించారని పేర్కొన్నారు. పతంజలి సంస్థను ప్రాచుర్యంలోకి తీసుకొచ్చి షేర్ మార్కెట్‌లో విలువలు పెంచుకునే మోసం తప్ప మరొకటి కాదని విమర్శించారు. ప్రజలను మోసం చేసే హక్కు ఎవ్వరికి లేదని నారాయణ హెచ్చరించారు.