తెలంగాణలో కొత్తగా 1,637 కరోనా కేసులు

దిశ, వెబ్‎డెస్క్: తెలంగాణలో కరోనా మహమ్మారి విజృంభిస్తోంది. గత 24 గంటల్లో కొత్తగా 1,637 కరోనా పాజిటివ్ కేసులు నమోదయ్యాయి. నిన్న ఒక్కరోజే ఆరుగురు మృతి చెందారు. దీంతో రాష్ట్రవ్యాప్తంగా మొత్తం కరోనా కేసుల సంఖ్య 2,43,143 కి చేరింది. ఇప్పటివరకు 1,357 మంది మరణించారు. ప్రస్తుతం 18,100 యాక్టివ్ కేసులు ఉండగా.. కరోనా నుంచి కోలుకుని 2,24,686 మంది డిశ్చార్జ్ అయినట్లు రాష్ట్ర వైద్యారోగ్య శాఖ బులెటిన్ విడుదల చేసింది.