కర్నూల్ జిల్లా వాసుల కల సాకారం చేయనున్న సీఎం జగన్

దిశ,వెబ్‌డెస్క్: నేటితో కర్నూల్ జిల్లా వాసుల కలనెరవేరనుంది. ఓర్వకల్లులో నిర్మించిన ఎయిర్ పోర్ట్ ను సీఎం జగన్ ప్రారంభించనున్నారు. ఉదయం 11.45 గంటలకు విమానాశ్రయానికి చేరుకునే జగన్ తొలుత జాతీయ జెండాను, ఆ తర్వాత వైఎస్సార్ విగ్రహాన్ని ఆవిష్కరిస్తారు. అనంతరం 12.18 గంటలకు విమానాశ్రయాన్ని ప్రారంభించి జాతికి అంకితం చేయనున్నారు. ఆ తర్వాత మరో కార్యక్రమంలో 12.22 గంటలకు ప్రత్యేక పోస్టల్ స్టాంప్‌ను ఆవిష్కరిస్తారు. కాగా ఓర్వకల్లు ఎయిర్ పోర్ట్ నుంచి విమాన సర్వీసులు ప్రారంభం కానున్నాయి. మార్చి 28 నుంచి విశాఖ, చెన్నై, బెంగళూరుకు కర్నూలు నుంచి ఇండిగో ఎయిర్‌లైన్స్ విమాన సర్వీసులు అందుబాటులోకి రానున్నాయి.