తల్లి కాబోతున్న బాలకృష్ణ హీరోయిన్.. నెట్టింట వైరల్ అవుతున్న ఫొటోలు
దిశ, సినిమా: ‘తకిట తకిట’ మూవీతో ఇండస్ట్రీకి ఎంట్రీ ఇచ్చిన హీరోయిన్ హరిప్రియ అందరికీ సుపరిచితమే. ఆ తర్వాత నేచురల్ స్టార్ నాని నటించిన ‘పిల్ల జమిందార్’ సినిమాతో మంచి ఫేమ్ తెచ్చుకుంది. ఈ చిత్రంలో అచ్చతెలుగు ఆడపిల్లలా నటించి ప్రేక్షకుల్లో మంచి గుర్తింపు సంపాదించుకున్నది. దీంతో ఈ అమ్మడుకు వరుస ఆఫర్లు క్యూ కట్టాయి. అలా ‘అబ్బాయి క్లాస్- అమ్మాయి మాస్’, ‘ఈ వర్షం సాక్షిగా’, ‘జై సింహా’ వంటి సినిమాల్లో నటించి మెప్పించింది. అయితే ఈ బ్యూటీకి టాలీవుడ్‌లో అనుకున్నంత స్టార్ డమ్ అయితే రాలేదు.
కానీ కన్నడ ఇండస్ట్రీలో మాత్రం స్టార్ హీరోయిన్‌గా క్రేజ్ సంపాదించుకున్నది. ఇక ఈ భామ కెరీర్ పీక్స్‌లో ఉన్నప్పుడే 2023లో నటుడు వశిష్టతో ఏడడుగులు వేసింది. ఈ క్రమంలో ఈ భామ పోస్ట్ నెట్టింట వైరల్ అవుతోంది. తాజాగా హరిప్రియ ఇన్‌స్టా వేదికగా ఓ పోస్ట్ పెట్టింది. అందులోబేబీ బంప్‌తో తన భర్తతో కలిసి ఫొటోలకు స్టిల్స్ ఇచ్చింది. ప్రస్తుతం ఈ ఫొటోలు సోషల్ మీడియాలో వైరల్‌గా మారాయి. ఇక వాటిని నెటిజన్లు ఈ జంటకు కంగ్రాట్స్ చెబుతున్నారు. అలాగే హ్యాపీ అండ్ సేఫ్ డెలివరీ అంటూ కామెంట్స్ చేస్తున్నారు. కాగా వశిష్ట.. ‘కేజీఎఫ్’, ‘నారప్ప’, ‘నయీం డైరీస్’, ‘ఓదెల రైల్వే స్టేషన్’, ‘ఏవమ్’ వంటి సినిమాల్లో విలన్‌ క్యారెక్టర్స్‌లో నటించి మెప్పించాడు.
