సీఎం జగన్‌కు థాంక్స్ చెప్తూ చిరు ట్వీట్.. ఎందుకో తెలుసా?
దిశ, సినిమా: కర్నూలు జిల్లా, ఓర్వకల్లు ఎయిర్‌పోర్టుకు భారతదేశ తొలి స్వాతంత్ర్య సమరయోధుడు ‘ఉయ్యాలవాడ నరసింహారెడ్డి’ పేరును అనౌన్స్ చేశారు ముఖ్యమంత్రి వైఎస్ జగన్మోహన్ రెడ్డి. ఈ రోజు ఎయిర్‌పోర్టును ప్రారంభించిన ఆయన.. ఉయ్యాలవాడ పేరును ప్రకటించారు. కాగా ఆ మహానుభావుడి జీవితకథతో ‘సైరా’ చిత్రాన్ని తెరకెక్కించిన మెగాస్టార్ చిరంజీవి ఈ విషయంపై స్పందించారు. గౌరవనీయులు సీఎం జగన్.. కర్నూలు ఎయిర్‌పోర్టుకు ఉయ్యాలవాడ నరసింహారెడ్డి గారి పేరు పెట్టడంతో తన హృదయం ఆనందంతో ఉప్పొంగిపోయిందని ట్వీట్ చేశారు. ఇది గొప్పదేశ భక్తుడైన ఉయ్యాలవాడకు ఇచ్చిన గొప్ప గుర్తింపుగా భావిస్తున్నట్లు తెలిపారు. తెరపై తన పాత్రలో నటించడం అదృష్టంగా, గౌరవంగా ఫీల్ అవుతున్నట్లు చెప్పారు చిరు.
Heartened & Overjoyed at the Hon'ble CM @ysjagan 's announcement naming #KurnoolAirport after the Firstever Freedom Fighter of India #UyyalavadaNarasimhaReddy Much deserved recognition to the greatest patriot & unsung Hero.Was fortunate & honored to play the great soul on screen
— Chiranjeevi Konidela (@KChiruTweets) March 25, 2021
