Skoda Kylaq: రికార్డు సృష్టించిన స్కోడా కైలాక్ ఎస్‌‌యూవీ.. కేవలం 10 రోజుల్లోనే 10 వేల బుకింగ్స్..!
దిశ, వెబ్‌డెస్క్: చెక్ రిపబ్లిక్(Czech Republic)కు చెందిన ప్రముఖ ఆటోమొబైల్ తయారీ కంపెనీ స్కోడా(Skoda) ఇటీవలే కొత్త కాంపాక్ట్ ఎస్‌‌యూవీ మోడల్ కైలాక్(Kylaq)ను లాంచ్ చేసిన విషయం తెలిసిందే. రూ. 7.89 లక్షల ప్రారంభ ధరతో దీన్ని భారత మార్కెట్లోకి తీసుకొచ్చింది. దీని బుకింగ్స్(Bookings) ఈ నెల 2న ప్రారంభమయ్యాయి. వచ్చే ఏడాది జనవరి మూడో వారం నుంచి డెలివరీలు(Deliverys) అందించనున్నట్లు కంపెనీ వెల్లడించింది. ఇదిలా ఉంటే.. కేవలం 10 రోజుల్లోనే ఈ కారు 10 వేల బుకింగ్స్ కు చేరుకున్నాయని సంస్థ ఓ ప్రకటనలో తెలిపింది. స్కోడా కార్లకు ఈ విధమైన బుకింగ్స్ రావడం ఇదే తొలిసారి అని స్కోడా ఆటో ఇండియా బ్రాండ్ డైరెక్టర్ పెట్రా జనేబా(Petra Janeba) పేర్కొన్నారు. ఇక ఫీచర్ల విషయానికొస్తే.. స్కోడా కైలాక్‌లో 1.0 లీటర్ టీఎస్ఐ పెట్రోల్ ఇంజిన్ అందించారు. ఈ ఇంజిన్ 114 బీహెచ్‌పీ పవర్, 178 ఎన్ఎం పీక్ టార్క్‌ను ఉత్పత్తి చేస్తుంది. ఇక కీలెస్ ఎంట్రీ, వైర్ లెస్ ఫోన్ ఛార్జింగ్, సిక్స్ ఎయిర్ బ్యాగ్స్, ఎలక్ట్రానిక్ స్టెబిలిటీ కంట్రోల్, 3-పాయింట్ సీట్ బెల్ట్ వంటివి ఉన్నాయి. ఇవేగాక బ్యాక్ సైడ్ ఏసీ వెంట్ లు, డిజిటల్ ఇన్స్ట్రుమెంట్ క్లస్టర్, సన్ రూఫ్ వంటి ఫీచర్లు ఉన్నాయి.
