‘మిస్టర్ లేలే’.. కామిక్ థ్రిల్లర్‌లో భూమి పెడ్నేకర్
దిశ, సినిమా : హర్షవర్ధన్‌ కులకర్ణి దర్శకత్వంలో ఆయుష్మాన్‌ ఖురానా హీరోగా 2018లో విడుదలైన ‘బదాయి హో’ సూపర్ సక్సెస్ సాధించగా, ప్రస్తుతం దీనికి సీక్వెల్‌ సిద్ధమవుతోంది. ‘బదాయి దో’ టైటిల్‌తో తెరకెక్కుతున్న ఈ సినిమాలో రాజ్‌కుమార్‌ రావ్, భూమి పెడ్నేకర్ జంటగా నటించబోతుండగా, మరో క్రేజీ ప్రాజెక్ట్‌లో భాగం కాబోతుంది భూమి. శశాంక్ కైతాన్ దర్శకత్వంలో విక్కీ కౌశల్, కియారా అద్వానీ కలిసి నటిస్తున్న ‘మిస్టర్ లేలే’ చిత్రంలో కూడా ఓ కీలక పాత్ర పోషించనుంది.
‘మిస్టర్ లేలే’ చిత్రాన్ని మొదట యంగ్ హీరో వరుణ్ ధావన్, క్యూట్ బ్యూటీ జాన్వీ కపూర్‌తో తీయాలని మేకర్స్ భావించారు. అయితే కాస్టింగ్ సెట్ కాకపోవడంతో ప్రస్తుతం విక్కీ, కియారా జంటగా ఈ చిత్రాన్ని నిర్మిస్తున్నారు. వీరిద్దరితో భూమి తొలిసారిగా స్క్రీన్ షేర్ చేసుకోనుండగా, ఈ క్యారెక్టరైజేషన్ తనకు చాలా నచ్చడంతో ఓకే చేసిందట. కామిక్ థ్రిల్లర్‌గా వస్తున్న ఈ చిత్రంతో మొదటిసారిగా విక్కీ కూడా కామెడీ జానర్ ట్రై చేస్తున్నాడు. ఇక విక్కీ పాత్రకు మహారాష్ట్ర షేడ్స్ ఉండగా.. కియారా, భూమి క్యారెక్టర్స్ విషయంలో మాత్రం మూవీ మేకర్స్ సస్పెన్స్ మెయింటెయిన్ చేస్తున్నారు. కాగా గతంలో ‘లవ్ స్టోరీస్’ చిత్రంలో కలిసి పనిచేసి ప్రముఖుల ప్రశంసలు అందుకున్న విక్కీ, కియారా జోడీ.. మరోసారి బిగ్ స్క్రీన్ మీద అభిమానులను ఎంటర్‌టైన్ చేయనుండగా, మరోవైపు భూమితో కరణ్ జోహార్ నిర్మిస్తున్న చిత్రానికి సంబంధించిన ప్రిపరేషన్ జరుగుతోంది.
