గుట్టు బయటపెడతా.. మరోసారి మాజీ మంత్రి నారాయణపై మరదలు సంచలన వ్యాఖ్యలు

దిశ, వెబ్‌డెస్క్: మాజీ మంత్రి నారాయణపై మరదలు(తమ్ముడి భార్య) పొంగూరి ప్రియ మరోసారి సంచలన వ్యాఖ్యలు చేసింది. తాజాగా ఆమె మీడియాకు ఒక వీడియో విడుదల చేసింది. ఈ వీడియోలో పొంగూరి ప్రియ మాట్లాడుతూ.. నారాయణకు ఎక్కడెక్కడ బినామీ స్థలాలు ఉన్నాయో తనకు తెలుసని, త్వరలో ఆయన గుట్టు బయటపెడతానని అన్నారు. ఇన్నర్ రింగ్ రోడ్ కేసులో తనను సీఐడీ విచారిస్తే అన్నీ విషయాలు బయటపెడతానని అన్నారు.

ఇన్నర్ రింగ్ రోడ్ కేసులో సోమవారం జరిగే విచారణలో తనకు ఏమీ తెలియదని నారాయణ చెబుతారని, కానీ ఆయనకు అన్నీ తెలుసని పొంగూరి ప్రియ చెప్పుకొచ్చింది. ఇన్నర్ రింగ్ విషయంలో ఆయన ఏం చేశారో అన్నీ తనకు తెలుసని, తాను ఇచ్చే సమాచారం సీఐడీకి ఎంతో ఉపయోగపడుతుందని తెలిపింది. ఇన్నర్ రింగ్ రోడ్ దగ్గర తన స్థలం ఉందని, అది కూడా నారాయణకు గుర్తు ఉందని పొంగూరి ప్రియ వీడియోలో పేర్కొంది.