నువ్వు గెలవాలంటే ఆ పని చేయ్ పవన్ కళ్యాణ్.. సినిమాలెవల్లో డైలాగ్స్ విసిరిన పోసాని!

దిశ,వెబ్‌డెస్క్:ఏపీలో సార్వత్రిక ఎన్నికలకు సమయం దగ్గరపడుతోంది. మరో పది రోజుల్లో రాష్ట్ర వ్యాప్తంగా పోలింగ్ జరగనుంది. ఈ నేపథ్యంలో పార్టీలన్నీ ప్రచారంలో దూసుకుపోతున్నాయి. ఈ ఎన్నికల్లో గెలుపే లక్ష్యంగా అన్ని పార్టీ నేతలు విస్తృతంగా ప్రచారం నిర్వహిస్తున్నారు. ఈ క్రమంలోనే ప్రత్యర్థులపై మాటాలు తూటాల్లా పేలుతున్నాయి. తాజాగా జనసేన అధినేత పవన్ కళ్యాణ్ పై పోసాని కృష్ణమురళి సంచలన వ్యాఖ్యలు చేశారు.

రీసెంట్‌గా ఓ ఇంటర్వ్యూలో వైసీపీ నేత పోసాని కృష్ణమురళి పవన్ కళ్యాణ్ గురించి మాట్లాడుతూ..గతంలో టీడీపీ, బీజేపీలను విమర్శించిన పవన్ కళ్యాణ్ ఇప్పుడు ఆ పార్టీలతోనే పొత్తు పెట్టుకున్నారని ఆరోపించారు.పవన్ కళ్యాణ్ నువు గెలవాలంటే జగన్‌ను ఓడించాలని కాదు నువ్వు గెలవాలని లక్ష్యంగా పెట్టుకో అన్నారు. నేను ఎలా గెలవాలి, గెలవడానికి నేనేం చెయ్యాలి అని ఆలోచించు అని ఎద్దేవా చేశారు. జనం నిరుత్సాహంలో ఉన్నప్పుడు సీనియర్ ఎన్టీఆర్ మాదిరిగా నువ్వు రాజకీయాల్లోకి వచ్చుంటే మంచి నాయకుడివి అయ్యేవాడివి అన్నారు. ఈ క్రమంలోనే పవన్ కళ్యాణ్ పై పోసాని తీవ్ర విమర్శలు చేశారు.

సింహంలా సింగిల్‌గా వెళ్తున్న జగన్మోహన్ రెడ్డితో అసలు పవన్ కళ్యాణ్‌కు పోలిక ఏంటని అన్నారు. మాట్లాడితే పవన్ అది చేశా ఇది చేశా అంటారు. మరి నేను కూడా పదిహేను మందికి గుండె ఆపరేషన్లు చేయించాను. లక్షల్లో పెళ్లిళ్లు చేయించాను. చాలా మందిని చదివించాను. అంత మాత్రాన నేను గొప్పవాడిని అవుతానా? అని ఎద్దేవా చేశారు. నీ దగ్గర డబ్బులున్నాయి ఇచ్చావ్. నా దగ్గర ఉన్నాయి కాబట్టి నేను సహాయం చేశాను అన్నారు. దానికి కొందరు గొప్పలు చెప్పుకుంటారని కామెంట్ చేశారు.