ఫ్లైయాష్ వివాదం.. సీఎం చంద్రబాబు పిలిచినా హాజరుకాని జేసీ ప్రభాకర్ రెడ్డి

దిశ, వెబ్ డెస్క్: కడప జిల్లా ఆర్టీపీపీ ఫ్లైయాష్(Kadapa District RTPP Flyash) విషయంలో మాజీ ఎమ్మెల్యే జేసీ ప్రభాకర్ రెడ్డి(Former MLA JC Prabhakar Reddy), జమ్మలమడుగు బీజేపీ ఎమ్మెల్యే ఆదినారాయణ రెడ్డి(Jammalamadugu BJP MLA Adinarayana Reddy) మధ్య వివాదం తలెత్తిన విషయం తెలిసిందే. అయితే ఈ వివాదం సీఎం చంద్రబాబు నాయుడు(Cm Chandrababu) వద్దకు చేరింది. దీంతో ఇద్దరు నేతలు తనను కలవాలని సీఎం ఆదేశించారు. ఈ మేరకు జమ్మలమడుగు బీజేపీ ఎమ్మెల్యే ఆదినారాయణ రెడ్డి శుక్రవారం సీఎం చంద్రబాబును కలిశారు. ఫ్లై యాష్ వివాదంపై వివరణ ఇచ్చారు. అయితే జేసీ ప్రభాకర్ రెడ్డి మాత్రం హాజరుకాలేదు. జ్వరం కారణంగా సీఎంతో భేటీకి రాలేకపోయినట్లు తెలుస్తోంది. అయితే సీఎం పిలిచినా జేసీ గౌర్హాజరుపై పార్టీలో చర్చ జరుగుతోంది. మరి ఏం జరుగుతుందో చూడాలి.