Breaking: ఓటు హక్కు వినియోగించుకున్న సీఎం జగన్

దిశ, వెబ్ డెస్క్: ఏపీ సీఎం జగన్ మోహన్ రెడ్డి ఓటు హక్కు వినియోగించుకున్నారు. కుటుంబ సభ్యులతో కలిసి కడప జిల్లా భాకరాపురంలో ఆయన పోలింగ్ కేంద్రానికి వెళ్లారు. అనంతరం ఓటు వేశారు. ప్రతి ఒక్కరూ ఓటు హక్కు వినిగించుకోవాలని కోరారు. రాష్ట్రవ్యాప్తంగా ఎన్నికల పోలింగ్ కొనసాగుతోంది. పలుచోట్ల ఈవీఎం మిషన్లు మొరాయించినట్లుగా తెలుస్తోంది. ప్రస్తుతం ఓటర్లు పోలింగ్ కేంద్రాల వద్దకు చేరుకుని ఓటు హక్కు వినియోగించుకుంటున్నారు.

రాష్ట్రంలో 175 అసెంబ్లీ, 25 పార్లమెంట్ స్థానాలకు సోమవారం సాయంత్రం 6 గంటల వరకూ పోలింగ్ జరగనుంది. ఆ తర్వాత క్యూలైన్లలో ఉన్న ఓటర్లందరికీ ఓటు హక్కు వేసేందుకు ఎన్నికల అధికారులు అనుమతించనున్నారు. ఇక పోలింగ్ సందర్భంగా పోలీసులు భారీ బందోబస్తు ఏర్పాటు చేశారు. పోలింగ్ కేంద్రాల వద్ద 144 సెక్షన్ అమలు చేస్తున్నారు.