మెక్సికోలో బుల్లెట్ల వర్షం.. 11 మంది మృతి

దిశ, వెబ్‌డెస్క్: మెక్సికోని ఓ బార్‌లోకి చొరబడిన దండగుడు విచక్షణారహితంగా కాల్పులు జరిపాడు. కనిపించిన వారందరిపై కాల్పులు జరిపి, వీరంగం సృష్టించాడు. ఈ కాల్పుల్లో దాదాపు 11 మంది ప్రాణాలు కోల్పోయారు. అంతేగాకుండా బార్‌లో డ్యాన్సర్లుగా పనిచేస్తున్న నలుగురు మహిళలు మృత్యువాతపడ్డారు. విషయం తెలుసుకున్న పోలీసులు వెంటనే ఘటనా స్థలానికి చేరుకొని, కేసు నమోదు చేసి నిందితుడి కోసం గాలిస్తున్నారు. కాగా ఈ దారుణం వెనుక డ్రగ్ ముఠా హస్తం ఉన్నట్టు పోలీసులు అనుమానాలు వ్యక్తం చేస్తున్నారు. కాగా నేరాలకు కేరాఫ్ అడ్రస్‌గా మారిన గయానాజువాటో రాష్ట్రంలో ఈ ఘటన సోమవారం ఉదయం చోటుచేసుకుంది.