ఈ రోజు రాత్రి.. బెంగళూరు, గుజరాత్ మధ్య చివరి మ్యాచ్
దిశ, వెబ్‌డెస్క్: ఐపీఎల్ 2023 లీగ్ స్టేజ్‌లో చిట్టచివరి 70వ మ్యాచ్ బెంగళూరు, గుజరాత్ జట్ల మధ్య జరగనుంది. ఈ రోజు రాత్రి 7.30 గంటలకు బెంగళూరు చిన్నస్వామి స్టేడియంలో జరగనున్న ఈ మ్యాచ్ RCB జట్టు ప్లే ఆఫ్ చేరుకోవడానికి కీలకమైన మ్యాచ్. దీంతో ఈ మ్యాచ్‌క్ ఈ రోజు మస్తూ క్రేజ్ ఉండనుంది. ఇప్పటికే టేబుల్ టాప్ లో ఉన్న గుజరాత్ ప్లే ఆఫ్ క్వాలిఫై అయింది. దీంతో ఈ మ్యాచ్ ను గుజరాత్ జట్టు లైట్ తీసుకుంటుందా.. లేక.. RCB జట్టును ఓడించి ముంబై జట్టు ప్లే ఆఫ్ చేరుకునేలా చేస్తుందో చూడాలి.
ఇటు కోహ్లీ సేన మాత్రం ఈ మ్యాచ్ లో ఎలాగైనా గెలిచి.. ప్లే ఆఫ్ లో నిలవడమే కాకుండా.. టైటిల్ గెలవాలని చూస్తోంది. దీంతో ఈ మ్యాచ్ తీవ్ర ఉత్కంఠగా సాగనుంది. అయితే ఈ రోజు సాయంత్రం బెంగళూరులో వర్షం పడే అవకాశం ఉన్నందున ఈ మ్యాచ్ జరుగుతుందా.. నిలిచిపోతుందా.. అనే అనుమానం అభిమానుల్లో ఏర్పడింది. మరీ ఈ రోజు వరుణుడు కరుణించి మ్యాచ్ నడుస్తుందా.. లేదా వరుణుడు గెలుస్తాడో తెలియాలి అంటే సాయంత్రం వరకు వేచి చూడాల్సిందే మరి.
GT ప్లేయింగ్ 11 అంచనా జట్టు
వృద్ధిమాన్ సాహా (వికె), శుభమాన్ గిల్, సాయి సుదర్శన్, హార్దిక్ పాండ్యా (సి) దాసున్ షనకా/విజయ్ శంకర్, డేవిడ్ మిల్లర్, రాహుల్ తెవాటియా, రషీద్ ఖాన్, మోహిత్ శర్మ, నూర్ అహ్మద్, మహమ్మద్ షమీ
RCB ప్లేయింగ్ 11 అంచనా జట్టు
విరాట్ కోహ్లీ, ఫాఫ్ డు ప్లెసిస్ (సి), గ్లెన్ మాక్స్‌వెల్, మహిపాల్ లోమ్రోర్, అనుజ్ రావత్ (వికెట్), దినేష్ కార్తీక్, కర్ణ్ శర్మ, మైఖేల్ బ్రేస్‌వెల్ హర్షల్ పటేల్, మహమ్మద్ సిరాజ్, వేన్ పార్నెల్
