మహిళ అనుమానాస్పద మృతి

దిశ,దుండిగల్ : మహిళ అనుమానాస్పద స్థితిలో మృతి చెందిన సంఘటన దుండిగల్ పోలీస్ స్టేషన్ పరిధిలో చోటు చేసుకుంది వివరాల్లోకి వెళితే దుండిగల్ తండా 2 లో నివాసముండే జరుపాల శాంతాబాయి(45) ఒక కూతురు ఉంది. తన సొంత పొలం దగ్గర గెదలను పెంచుకుంటూ ఒంటరిగా ఉంటుంది.తన గదిలో పడుకున్న సమయంలో ఆమెను ఎవరో కొట్టి చంపి దుప్పటి కప్పి వెళ్ళిపోయినట్లుగా ఆనవాళ్లు కనిపిస్తున్నట్లు సమాచారం. సంఘటన స్థలానికి చేరుకున్న డీసీపీ కోటి రెడ్డి పరిసరాలను పరిశీలించారు. తలకు బలమైన గాయాలు ఉండడంతో మహిళ ను ఎవరో కొట్టి చంపి ఉండవచ్చన్నారు. క్లూస్ టీమ్,ఫింగర్ ప్రింట్,సీసీ ఫుటేజీ ద్వారా వివరాలు సేకరిస్తున్నామన్నారు. దుండిగల్ సీఐ సతీష్ కు ఆధ్వర్యంలో దర్యాప్తు జరుగుతుందన్నారు. మృతదేహాన్ని స్వాధీనం చేసుకున్న పోలీసులు పోస్ట్ మార్టం నిమిత్తం గాంధీ మార్చరీకి తరలించినట్లు తెలిపారు.అనుమానాస్పద మృతి కింద కేసు నమోదు చేసి దర్యాప్తు చేపట్టారు.