ప్రమాదవశాత్తు విద్యుత్ షాక్ తో రైతు మృతి

దిశ, ఇల్లంతకుంట : మండలంలోని రేపాక గ్రామానికి చెందిన మొగులోజు రంగయ్య(72) అనే రైతు తన వ్యవసాయ పొలం వద్ద ప్రమాదవశాత్తు విద్యుత్ షాక్ కు గురై మృతి చెందాడు. వివరాల్లోకి వెళితే మృతుడు రంగయ్య తన వ్యవసాయ పొలంలో ఒడ్డు తీస్తుండగా విద్యుత్ స్తంభం నుంచి పొలంలో ఏర్పాటు చేసిన సపోర్టు తీగకు విద్యుత్ సరఫరా కావడం, ఆ విద్యుత్ సపోర్ట్ తీగకు రంగయ్య తాకడంతో విద్యుత్ షాక్ తగిలి అక్కడికక్కడే మృతి చెందాడు. సంఘటన స్థలాన్ని ఎస్సై శ్రీకాంత్ గౌడ్ పరిశీలించి కేసు నమోదు చేసుకుని దర్యాప్తు జరుపుతున్నారు. మృతుడికి భార్య, ముగ్గురు కుమారులున్నారు.