cannabis seized : 2.660 కేజీల గంజాయి స్వాధీనం

దిశ, కార్వాన్ : దూల్పేటలో ఎక్సైజ్ ఎస్టిఎఫ్ టీం జరిపిన దాడుల్లో 2.660 గంజాయిని పట్టుకున్నారు. వివరాల్లోకి వెళితే...దూల్పేట్ లోని మల్చిపుర, లోయర్ దూల్పేట్ ప్రాంతాల్లో ఎక్సైజ్ సూపరింటెండెంట్​ అంజిరెడ్డి, దూల్పేట్ సీఐ మధుబాబుతో కలిసి దాడులు నిర్వహించారు.

దాడుల్లో నిందితుల వద్ద 2.660 కేజీల గంజాయి తో పాటు ఐదు సెల్ ఫోన్లు స్వాధీనం చేసుకున్నట్లు తెలిపారు. గంజాయి అమ్ముతున్న నీలేష్ సింగ్, గుండు సింగ్ నీతూ భాయ్ తో కలిపి ఐదుగురు వ్యక్తులను అరెస్టు చేసి మరో ఐదుగురిపై కేసు నమోదు చేసినట్లు తెలిపారు. ఈ దాడిలో గోపాల్, భాస్కర్ రెడ్డి, సైదులు, ప్రకాష్, శ్రీధర్, రాకేష్ పాల్గొన్నారు. గంజాయిని పట్టుకున్న టీంను ఎక్సైజ్ ఎన్ఫోర్స్మెంట్ డైరెక్టర్ కమల్ హసన్ రెడ్డి అభినందించారు.